පිරුවානා පොත්වහන්සේ

ජාතක පොත්වහන්සේ සහ පිරුවානා පොත්වහන්සේ යන ධර්ම ග්‍රන්ථද්වය සිංහල බෞද්ධයන්ගේ අත්‍යන්ත ජනාදරයට පාත්‍ර වූ විශේෂ ග්‍රන්ථ දෙකකි. මේ පොත් දෙක ම සජීවත්වයෙන් සලකා “වහන්සේ” යන ගෞරව නාමයෙන් ම ව්‍යවහාර කළාක් මෙන් ම විහාරස්ථානයකට නැතුව ම බැරි වස්තු දෙකකි. මෙයට ධාතු කරඬුවත් විධිමත් ව සකස් කරගත් පිරිත් හූයත් එක්කර ගත යුතු ය.  

පිරුවානා හෙවත් පිරිවහනය යනු කටපාඩම් කිරීමයි. පිරුවානා පොත සම්පූර්ණයෙන් පාඩම් නො කළ හැකි වූවන් පැවිදි නො කරන ලෙස පැරණි කතිකාවත්හි නියමයක් විය. පිරිත කටපාඩම් කළ යුතු ය. එසේම එය මධුරස්වරයෙන් වෘත්තානුකූලව හඬ නගා කීම ද එයට ම අයත් ය. බුදුරජාණන් වහන්සේ මධුරස්වරය අගයමින් ඒ පිළිබද තනතුරක් ද ඇතිකළ අයුරු එතදත්‍ර පාළියෙහි දැක්වේ.

මහා පිරිත් පොත, පිරිත් පොත, පිරුවානා පොත් වහන්සේ යන නම් වලින් හැඳින්වෙන පොත අතීතයේ හඳුන්වන ලද්දේ චතුභාණවාර පාළිය යන නමිනි.

තෙදවත් බැවින් සත්වයනට පැමිණෙන උවදුරු දුරුකරන හෙයින් ද සර්වප්‍රකාරයෙන් ආරක්ෂාව සලසන හෙයින් ද පැමිණෙන අනතුරු වලක්වා ලන හෙයින් ද ආරක්ෂා කරන බැවින් ද, පිරිත නම් වේ. බෞද්ධයා ගේ ආරක්ෂණ ක්‍රමයත්, ශාන්තිකර්මයත් පිරිතයි.   

Download

.

කොළඹ පරම විඥානාර්ථ බෞද්ධ සමිතියේ නිර්මාතෘ, බෞද්ධ අධ්‍යාපනයේ පුරෝගාමී වූ සෙන්පති හෙන්රි ස්ටීල් ඕල්කට් මැතිතුමාගේ 105 වන ගුණානුස්මරණ උත්සවය පෙබරවාරි මස 17 වෙනි දිනට යෙදී ඇත.

ඒ වෙනුවෙන් එදින ප.ව. 2.00 ට සමරු උත්සවය ජාතික උරුමයන් පිළිබඳ සමිතියේ සාමාජික සාමාජිකාවන්ගේ ප්‍රධානත්වයෙන් පිටකොටුව ඕල්කට් මාවතේ අංක 203 බෞද්ධ මන්දිරයේ දී පවත්වනු ලැබේ. 

රට වෙනුවෙන් සටනට ගොස් දිවි දුන් වීර කැප්පෙටිපොළ

එදා දක්ෂම අශ්වාරෝහකයා තේරීමේ තරගයෙන් ජයගත්තේ කැප්පෙටිපොල නිලමේ තුමා ය. මෙතුමාගේ සිතට වද දෙන කරුණ වූයේ අධිරාජ්‍යවාදීන්(පරසුද්දන්) නිසා රටට, සිංහල ජාතියට, බුදු සසුනට සිදුවන විපත් පිළිබදවයි.කෙසේ හෝ පරසුද්දෝ රටින් පලවා හැර, රටත්, ජාතියත් සම්බුද්ධ සාසනයත් රැක ගැනීම සදහා ක්‍රියාත්මක වීමට සුදුසු  අවස්ථාවක් එළෙඹෙන තෙක් නො එවසිලිමත්ව කල් ගත කළේය.

වෙල්ලස්සේ මහා සටනේ කැරලිකාර සිංහල හමුදාව සමග එක්වූ රණශූර කෙප්පෙටිපොල සෙනෙවි තුමා බදුල්ලේ සටනින් ජයගත් පසුව දරුණු සටන් වලින් පසුව මාතලේ සටනින් ජය ගත්හ. මෙයින් තැති ගත් පරසුද්දන් උඩරට අත්හැර දැමීමට පවා තීරණය කළහ. පසුව උඩරට පාලනය හමුදාවට භාර දී, කැරලි කරුවන් ඇල්ලීමට නියෝග කළේය.  මේ කිසිදු කරුණකින් කම්පාවට පත් වූයේ කැප්පෙටිපොල නොවේ……

මරක්කලයෙකු පරසුද්දන්ට ඔත්තුවක් දී ඒ අවාසනාවන්ත  දිනය වූ 1818 ඔක්තෝබර් 28 පරසුද්දන් කෙරෙහි වුවද කිසිදු බියකට හෝ තැති ගැනීමකට පත් නො වුන  වීර සිංහල පුත්‍රයා ” මම තමයි කැප්පෙටිපොළ” යයි දෙවරක්ම පවසමින් සුද්දන් ඉදිරියට පැමිණ භාරවිය. 1818 නොවැම්බර් මස 26 වෙනි දින අලුයම සිරමැදිරීයේ දොර ඇරුනේ වීර කැප්පෙටිපොලගේ සහ  මඩුගල්ලේගේ හිස ගසා දැමීමටයි.  

වධකස්ථානයට ලංවූ මෙතුමා ඉල්ලා සිටියේ ජලය ස්වල්පයකි. මුහුණ අතපය සෝදාගත් කැප්පෙටිපොල හිස පීරා කොණඩය මුදුන්කර බැඳ ගත්තේ ය. වීර කැප්පෙටිපොල ඉතාම කල්පනාකාරීව මනා සිහිබුද්ධියෙන් යුක්තව දං ගෙඩියට අසලට පැමිණියේ ය. එරමිනිය ගොතා ගෙන ඒ අසල බිම වාඩි විය. බියජනක පෙනුමෙන් යුක්තව සිටි රුදුරු වධකයා දෙස බලා ” ..වධකය මා නව අරහාදී බුදුගුණ පාඨය කියවද්දී මගේ හිස එක පහරින් ම කඳින් වෙන් වන්නට වැරෙන් පහරක් ගසව” යයි නියෝග කළේය…..

[pdf]http://www.dhammikaweb.com/pdfs/VeeraKeppetipola.pdf[/pdf]

Keppetipola Disawe – Wikipedia, the free encyclopedia

.

දුටුගැමුණුරජතුමා (දුෂ්ටගාමිණී වස්තුව  -සද්ධර්මාලංකාරය)

ඔබට අපට ඉතිහාසය පාඩමේ දී තුන්සිංහලයම ඵක්සේසත් කල පලමු මහා නිරිදාණන් දුටුගැමුණුරජතුමා ගැන ඉගැන්වූයේ, නැතනම් වඩා හැදින්වූයේ ඵළාර රජ පරදා චෝළ අධිරාජයාගෙන් ලාංකීය ජනතාවත් සිංහල ‍බොදු ජනතාවත් රැක ගත් වීරයා බවත්, විදේශීය ආක්‍රමණ වලින් රට ආරක්ෂා කර ගනිමින් සශ්‍රික රාජ්‍යයක් බිහිකිරීමෙහිලා මෙතුමා විශාල කාර්යක් ඉටුකරන ලද බවත් ය. නමුත් එතුමාගේ අධ්‍යාත්මික පසුබිම සහ එතුමා ලංකාදීපයේ පහල වූයේ අහබු ලෙස නොවන බවත්, හුදෙක් සම්බුද්ධ සාසනය මතු පරපුරට රැක දීමේ ක්‍රමවත් වැඩපිලිවෙලක් මත බවත් නිතර කථාබහට ලක්වන්නක් නොවීම අපගේ අනාගතය බාර ගන්නට සිටිනා මේ මතු පරපුරට කරන ලොකු වරදකි.

අඩු වශයෙන් බුද්ධාගම උගන්වන ගුරුවරුන් /දහම් පාසැල් ගුරුවරුන් වත් පාසැලේ/දහම් පාසැලේ මෙවැනි වීරවරයන්ගේ අධ්‍යාත්මික පැත්ත ගැන කථිකාවන් ඇති කිරීම අපගේ බුද්ධ ශාසනය හා එකට බැදී පවතින ලංකාදීපය ගැන ජාතිකාභිමානයක් අපගේ දරුවන්ගේ හද තුල ජනිත කිරීම තුලින් අපගේ බුද්ධ ශාසනය මතුවටත් රැකගත හැකි වන බව ස්ථීරය.

ඒ දුටුගැමුණු රජ්ජුරුවෝ වනාහි මහාද්‍රකල්පයට එකාසංඛ්ය්‍යය කප් ලක්ෂයකින් යට වර නම් කල්පයෙහි ලොව පහළවූ අනොමදස්සී නම් බුදු සමයෙහි ඉපිද, එක් දවසෙක බණ අසන පිණිස විහාරයට ගියහ. එකල බුදුහු සවනක් රසින් දිලිහි දිලිහි සිව්වනක් පිරිස මැද බුද්ධාසන මස්තකයෙහි වැඩහිද නිසභ නම් මහතෙරුන් වහන්සේගේ ගුණ නුවණ වර්ණාකොට වදාරා උන්වහන්සේට දකුණත්සව් තනතුරු දුන්සේක. එකල මේ දුටුගැමුණු රජ්ජුරුවෝ එපවත් දැක මම ද මතු මේ නිසභ නම් මහතෙරුන් වහන්සේ සේම එක් බුදුකෙනකුන් වහන්සේගේ ශාසනයේ දකුණත් සවු වෙම්ව” යි ප්‍රාර්ථානා කොට එතැන් පටන් ඒකාසංඛෙය්‍යය කප්ලක්ෂයක් මුළුල්ලෙහි දාන ශීලාදී වශයෙන් බොහෝ කුශල සම්භාරයන් රැස්කෙරෙමින් ජාතියෙන් ජාතියෙහි දිව්‍ය මනුෂ්‍ය සම්පත් විඳ මෙම ලංකාදීපයෙහි ඉපිද……………

සූවිසි අවුරුද්දක් මුළුල්ලෙහි දශරාජධර්මයෙන් රාජ්‍ය කොට ආයු කෙලවර තව්තිසා භාවනේ ඉපිද, අපමණ දිවඉසුරු වළදා මෛත්‍රී බුදුන් සමයෙහි මිනිස් ලොව ඉපිද සසුන් වැද මහණ ව දකුණත්සව් තනතුර ලැබ බුදුසසුන් බබුළුවා අමාමහ නිවන් දකිති.

අනාගත මෛත්‍රී බුදුන් කළ උන්වහන්සේගේ දකුණත් සව්ලෙස දුටුගැමුණු රජතුමාද වමත් සව්ලෙස සද්ධාතිස්ස රජතුමාද කාවන්තිස්ස රජතුමා සහ විහාරමහා දේචිය අනාගත මෛත්‍රී බුදුන්ගේ මව සහ පියා බවද සදහන් වෙයි.

සද්ධර්මාලංකාරය නමැති පොතෙන් මෙම දුටුගැමුණු කථාවස්තුව පිටපත් කරන ලද පිටු කීපය (අංක 429 සිට 460) කියවීමට හෝ බාගැනීමට පහත පිවිසුම් වලට ඇතුළු වන්න.

[pdf]http://www.dhammikaweb.com/pdfs/King_dutugamunu_saddharmalankaraya.pdf[/pdf]

===============================================================

මෙම සම්පූර්ණ සද්ධර්මාලංකාරය පොත පහත වෙබ් පිටුවෙන් ඔබට බා ගත හැක. 

http://www.dhammikaweb.com/?p=10190

.